Сергей Меняйло Ирыстоны намысы майданæй схорзæхджын кодта Дзебысаты Майрæмы

Сергей Меняйло "Ирыстоны намысы" майданæй схорзæхджын кодта республикæйы цæрæнуатон-коммуналон хæдзарады сгуыхт кусæг, фирмæ «Спецтепломонтаж»-ы генералон директор Дзебысаты Майрæмы. Регионы разамонæг аразæгæн стыр бузныг загъта бирæ азты æвæллайгæ хæрзхъæд социалон объектты арæзтады фæдыл. 30 азæй фылдæр Цæгат Ирыстоны аразут фидар социалон объекттæ. Зонын æй, куыд бæстонæй æххæст кæнут уæ размæ æвæрд проекттæ. Абон компанийы алы къабæзты кусынц фæлтæрдджын специалисттæ. Уыдонæн дæр бузныг зæгъын. Дарддæр дæр æнтыстджын ут - загъта Сергей Меняйло. Бафтаудзыстæм ма уый, ӕмӕ «Спецтепломонтаж» парахатæй архайы социалон программæтæ æмæ проектты.