Хуыздæр турист чи у?

Дзæуджыхъæуы 5 куыстуаты минæвæрттæ ерыс кодтой республикон туристон чемпионаты. Цъæйы комы сæхи фæлвæрдтой цалдæр конкурсы: куыд сфæлдыстадон, афтæ сын сæ тых æмæ хъару чи æвдисы, ахæмты. Цавæр у уæлахизмæ фæндаг? Стæй æнцон у хуыздæр турист уæвын, уый зонынц не сфæлдыстадон къорды уæнгтæ. Арты сæрмæ хъæрмхуыпп, халсартæ фæлвых хæнынц, сойджын дзидзайы сыр-сыр... Сæ хæрздæф комыдæттæ ауайын кæны. Цалдæр минуты æмæ быдыры хæринæгтæ цæттæ уыдзысты. Алыхуызон сты. Уæвгæ йæ алчидæр зоны, хæринаджы адыл, чи йæ кæны, уый къух, æнæмæнг, фæзыны. Туристон клубы ерысты хæринаггæнджыты домæнты сæйрагдæр бæлвырд у - хъуамæ сæ конд хойраг 5 боны хъуамæ ма фесæфа. Ерыстæ ныр 3-аг хатт цæуынц. Хъыгагæн, уый размæ 25 азы Цæгат Ирыстоны сæ кой дæр нал уыд. Ацы хатт хуыздæр кулинары, спортсмены, зарæггæнæджы æмæ бæстæзонæджы ном райсыныл тох кодтой 5 командæйы: «Электроцинчы», «Победиты», компании «Фроствейы», «Россоюзспасы» æмæ 5-æм профессионалон училищæйы минæвæрттæ. Се `ппæт дæр тох кæнынц Кубок рамбулыныл. Ерысты фыццаг уæлахиздзауы сбæрæг кодтой 1961 азы. Уæдæй фæстæмæ 1991 азы онг сæ-иу сарæзтой алы аз дæр. Уый фæстæ цадæггай уыцы хъæппæрис байсыст. Фæлæ йæ бирæты цинæн 2016 азæй фæстæмæ сног кодтой. Ерыс аразджытæ фæнд кæнынц чемпионат æрвылазон скæнын. Уæвгæ, йæ архайджытæ азæй-азмæ фылдæр кæнынц. Уый та туризмы рæзтæн хорз ахъаз у. Ацы аз дæр Кубокы аккаг ныр 3-аг хатт ссис «Победиты» командæ. Иннæ ацафонмæ уыдонмæ уыдзæн. Фидæн азы хуыздæр æмæ тыхджыдæры та рæстæг равдисдзæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv