Рох не сты

Беслæны цаутæ мысæн бонтæй æппæты уæззаудæрыл нымад у 3-æм сентябрь. Абон райсомæй нырмæ Цæгат Ирыстоны цæуынц номарæн мадзæлттæ. Сæ сæйрагдæртæ — Беслæны пырх скъолайы кæрты. Къултыл — теракты амæттæгты къамтæ: сывæллæттæ, сæ ныййарджытæ æмæ ахуыргæнджытæ. Залы астæу — стыр хъæдын дзуар æвæрд. Ам, йæ цуры, арæзт æрцыд теракты амæттæгты æрæмысыны аргъуыд. Сарæзта йæ Дзæуджыхъæуккаг æмæ Алайнаг алчыр Леонид. Аргъуыдмæ æмæ, чи бацарæфтыд, уыдоны рухс ном ссарынмæ æрбамбæлдысты Беслæны æмæ республикæйы цæрджытæ, Уæрæсейы иннæ горæтты минæвæрттæ, амæттæгты хиуæттæ æмæ, теракты чи уыд, уыдон. Бирæтæ сæ цæссыг нæ урæдтой. 14 азы рацыд уыцы æбуалгъ цауыл, фæлæ адæмы рыст къаддæр нæ кæны. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv