Цæгат Ирыстоны кæронбæттæн скодтой 11-æм æппæтадæмон аивадон симпозиумæн «Аланика»

Культурон мадзæлтты иумæйаг темæ уыд «Оглянись в будущее! », зæгъгæ. Нырыккон аивадон кустыты равдыстой адæмон традицитæ. Дыууæ къуырийы дæргъы нывгæнджытæ арæзтой сæ проекттæ, æвгъау нæ кодтой сæ фæлтæрддзинад, зонгæ кодтой регионы истори æмæ культурæимæ. Суанг ма уынджы сарæзтой равдыст дæр. Симпозиумы ма уыд концертон программæ дæр. Бацархайдтой дзы Налцыккæй ансамбль, Берозты Таму Цæгат Ирыстонæй. Сфæлдыстадон изæр сарæзта барабанщик Литвайæ Владимир Тарасов. Симпозиумы кæронбæттæны - нывгæнджыты равдыст. Байгом æй кодтой национ музейы. Равдысты бабæрæг кодта Цæгат Ирыстоны культурæйы министр Къубалты Эльбрус, стæй ма æндæр бæрнон кусджытæ дæр. Ольга Кройтор -мæскуыйаг нывгæнæг у. Симпозиум «Аланикæ»-мæ бацæттæ кодта дыууæ куысты. Видеормæг «Точка опоры», зæгъгæ, æмæ хуызистыты æмбырдгонд «Лишние», зæгъгæ. Æрыгон нывгæнæг куыд зæгъы, афтæмæй йын симпозиумы архайын цымыдисаг уыд. Равдысты æдæппæтæй архайдтой 26 нывгæнæджы. Се `хсæн Уæрæсейы алы горæттæй аивады кусджытæ. Уыимæ ма Вильнюс, Киев, Баку æмæ æндæртæй. Симпозиумы агъоммæ нывгæнджытæ бацæттæ кодтой "Оглянись в будущее", зæгъгæ, проекттæ. Уыдон экспозицитæ, видеоæрмæджытæ, хуызистытæ æмæ нывтæ. Равдыст сарæзтой дыууæ фæзыл. республикæйы национ музейы залты æмæ Нырыккон аивады паддзахадон центры Цæгат Кавказы филиалы. Мадзалмæ саккаг кодта Александр Пушкины номыл нывгæнджыты паддзахадон музейы разамонæг Марина Лошак. Уыимæ ма равдыстмæ æрбацыдысты республикæйы хицауады сæрдары хæдивæг Азымты Иринæ æмæ республикæйы культурæйы министр Къубалты Эльбрус. Мадзал аразджыты ныхæстæм гæсгæ, ацы аз симпозиумы программæ рауад цымыдисаг. Равдыст аххæсдзæн 30-æм сентябрьмæ. Симпозиумы хуыздæр куыстытæ ратдзысты равдыст саразджытæн, цæмæй куыстыты æмбырдгонд бацæттæ кæной. Уазиты Зæлинæ _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv