Фæлтæрдджын дохтыр

Йæ цард снывонд кодта адæмæн æххуыс кæнынæн. Галинæ Донцова у дохтыр-терапевт. Æнусы рдæг чысыл хъуаг дзæбæх кæны адæмы. Ныртæккæ йæ зонындзинæдтæ æмæ йæ фæлтæрддзинадæй хай кæны æрыгон специалисттæн.  Фæлтæрдджын дохтыримæ фембæлд нæ уацхæссæг дæр. Райсом райдайы уымæй æмæ медицинон хоты Галинæ æрфæрсы рынчынтæ сæхи куыд æнкъарынц уымæй. Уый фæстæ араст вæййы палатæтæм, ног рынчынты фены, æмæ алкæйы дæр лæмбынæг æрфæрсы, цæмæй тыхсынц, уымæй. Уымæн алы бон дæр дохтыры бахъæуы дыууæ сахатæй фылдæр. «Алы рынчынмæ дæр лæмбынæг æркæсæм, фæныхас кæнæм. Сæ фылдæримæ хъæуы дзурын, вæййы сæм бирæ фарстатæ, се ппæтæн дæр дзуапп раттæм. Сæйраг æргом аздахæм æвæстиатæй нæм чи `рбахауы уыдонмæ», - загъта Галинæ Донцова. Ахæм фæткмæ гæсгæ Галинæ Донцова кусы 45 азы. Уыимæ иу-хатт дæр йæ куысты бынат нæ баивта. Клиникон рынчындон сси йæ дыккаг хæдзар. Дохтыры дæсныйад куы райста уæд райдыдта ам кусын. Фыццаг 9 азы куыста тагъдæххуысы хайады. Уый фæстæ раивта терапийæмæ, æмæ абоны уæнг ис ам. Йæ ныфс кæмæй хæссы, уый йе мкусджытæ. Бирæты дзы зоны дæсгай азтæ. Уыдон дæр дзы сты сæрыстыр. Медицинон дæсныйад Гæлинæ бауарзта йæ сабибонтæй. Сывæллонæй йæхицæн дзырд радта йæ цард медицинæимæ кæй бабæттдзæн. Каст чингуытæ, йæ зонындзинæдтæ фылдæр кодта. Ахуыр кæнын ын æххуыс кодта йæ мад. Уый йæдæг дæр дохтыр уыд. Ныр не`рмæджы сæйраг хъайтар йæхæдæг у зондамонæг æрыгон дохтыртæн. Йæ фæлтæрддзинад æвгъау нæ кæны. Галинæ Донцова: «Хорз дохтыр хъуамæ æппынæдзухдæр йæхиуыл куса. Йæ профессионалон æмвæзад бæрзонддæр кæна. Хъæуы кæсын медицинон литературæ дæр, æнæ уымæй дæр нæй. Нæ кафедрæ арæх саразы лекцитæ, æмæ дæсныйад фæуæлдæр кæнынæн ахуыртæ». Цы фæндаг равзæрста ууыл Галинæ Донцова никуы фæфæсмон кодта. Дохтыры куыст у йæ удæнцой. Йæ рынчынтæн ма бирæ азты дæргъы лæггад кæнынмæ у цæттæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv