Фæцæрыны æппын къаддæры бæрц 2019 азы сси 9 231 сомы

Цæгат Ирыстоны фæцæрыны æппын къаддæры бæрц 2019 азы 4-æм кварталы у 9 мин æмæ 231 сомы. Ацы нымæц бафыстой министрады сæрмагонд æмбырды. Кусынхъом адæмæн та 9 мин æмæ 794 сомы, пенсиисджытæн 7 мин æмæ 468 сомы, æмæ сывæллæттæн 9 мин æмæ 371 сомы. Куыд сбæрæг, афтæмæй фæлхасадон чыргъæд кæй хонынц, уый хойрæгты аргъ дæр 3-æм кварталимæ абаргæйæ фæкъаддæр 2%. 2019 азы 4-æм кварталы бæрæггæнæнтæ социалон æххуысы уагæвæрдмæ бар æппындæр нæ дарынц. Уый тыххæй фехъусын кодта нæ бæстæйы Федерацийы Советы социалон политикæйы комитеты сæрдар Валерий Рязанский. Уыимæ ма куыд загъта, афтæ 2020 азы фæцæрыны æппын къаддæры бæрц сбæлвырд уыдзæн 2019 азы 2-æм кварталы бæрæггæнæнтæм гæсгæ. Нæ бæстæйы фæллойы министрад фæнд рахаста 2019 азы 4-æм кварталы æппын къаддæры бæрц снысан кæнын 10 мин æмæ 609 сомы.11 мин æмæ 510 сомы кусынхъом адæмæн, 8 мин æмæ 788 сомы та пенсиисджытæн æмæ 10 мин 383 сомы та сывææлæттæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv