Цæгат Ирыстоны сæхгæдтой газæй ифтыгъд артаджы 20 станцæйы

Прокурорты басгæрстыты рæстæг Цæгат Ирыстоны сæхгæдтой газæй ифтыгъд артаджы 20 станцæйы. Æдæппæтæй æркастысты 50 станцæмæ. Специалисттæ иртæстой æмбæлгæ гæххæтыты уавæр, зынгсирвæзты ныхмæ æмæ промышленнон хуызы æдасдзинад. Цæстдарджытæ рабæрæг кодтой 200 аиппæй фылдæр. Ныхасæн, Джызæлы артаджы станцæтæй иуы, бардæттæг гæххæттытæ уæвгæ дæр нæ разынд. Хъæндзинæдтæ алы ран дæр сты иухуызон. Сагъæсы æфтауы, æдасдзинады домæнтæ æххæстгонд кæй нæ цæуынц æмæ хъæугæ гæххæтытæ кæй нæй, уый. Иуæй-иу колонкæтæ та ныззæронд сты æмæ сæ хъæуы баивын. Цæстдарджытæ сæ иртæстытæ снысан кæнынц рагацау, артаджы станцæты хицæуттæн сæм сæ бон вæййы сæхи бацæттæ кæнын. Афтæ куы нæ уаид, уæд бæрæггæнæнтæ дæр, æвæццæгæн, æндæрхуызон уаиккой. Ныртæккæ тæрхондоны уынаффæмæ æнхъæлмæ кæсынц 25 артаджы станцæйы. Сæ фылдæр кусын райдайдзысты æппæт аиппытæ куы аиуварс кæной уæд. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv