Ног гæнæнтæ

Нæ иннæ хабæрттæм: Цæгат Ирыстоны фæзындзæн халсартæ æмбырдгæнæн центр. Республикæйы экономикæйы рæзты министр Томайты Хъазыбег абон йæ саразыны проектыл æрдзырдта Æмбырдгæнæн центрты ассоциацийы æххæстгæнæг директор Владимир Лищукимæ. Бæстыхай сараздзысты Мæздæджы. Уый тыххæй ныридæгæн сбæрæг кодтой дыууæ зæххы хайы. Уый уыдзæн картоф, халсартæ æмæ æндæр хъæууон хæдзарады продукци кæм дардзысты, ахæм бæстыхай. Ифтог уыдзæн нырыккон кусæнгæрзтæй. Уый фæрцы дзы, уыцы иу рæстæг продукци дарæн уыдзæн 6 мин тоннæйы - 20 мин тонны онг. Уыимæ ма хъавынц уæлæмхасæн лæггæддыл дæр бакусын - йæ цуры сараздзысты артаджы станцæтæ, кафетæ æмæ хæдтулгæты лæууæн бынæттæ. Проект ахъаз уыдзæн ног куысты бынæттæ фæфылдæр кæнынæн. Пайда уыдзæн бынæттон продукци дæр парахат кæнынæн. Инвестортæ куыд зæгъынц, афтæмæй ахæм фæндтæ сæххæст кæнынæн, Мæздæгæй хуыздæр бынат не ссардтой. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv