Транскамы фæндаг байгом кодтой, кусы фæткмæ гæсгæ

Транскамы фæндаг байгом кодтой, кусы фæткмæ гæсгæ. Уый тыххæй хъусын кæнынц Æнæнхъæлæджы уавæрты министрады кусджытæ. Æхгæд уыди æвзæр боныхъæды аххосæй. Ивгъуыд бонты дзы рацыд 20 зæйæ фылдæр. Фæндæгтæ расыгъдæг кодтой æмæ дзы ныр хæдтулгæтæн ис ацæуыны бар. Арвыкомы фæндаг та нырма уал æхгæд у. Боныхъæды уавæртæ кæй февзæрдæр сты Гуырдзыстоны, уый тыххæй уадзæг пункт йæ куыст баурæдта. Арæнхъахъæнджыты хъусынгæнинагмæ гæсгæ, уæзласæн хæдтулгæты уавæр æндæр у - иу суткæмæ, дам, Уæллаг Ларсы уадзæн пункт æмæ Дæллаг Зæрæмæджы раиртæстой æнæзакъонæй товар æрбаласын чи хъавыд, 6 ахæм цауы. Арæнты кусджытæ æрцахстой 6 адæймаджы, уыдон хъавыдысты Уæрæсемæ æнæзакъонæй æрбаласын карз нозт амæ тамакойы продукци. Уымæй уæлдай ма, 120 литры бæрц сæн æмæ тамакойы 2 мин пачкæйы. Æппæт æнæзакъон продукци ист æрцыд æмæ сæ радтой сæрмагонд уагдонмæ. Кæй æрцахстой, уыдоныл байгом кодтой административон хъуыддæгтæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv