Æнæнхъæлæджы уавæртæ рагагъоммæ рабæрæг кæныны æмæ аиуварс кæныны къамисы æмбырд аыд Сергей Меняйлой

Куыд цæттæ у республикæ уарынты рæстæгмæ, зынгсирвæзтытæй тæссаг уалдзыгон æмæ сæрдыгон афонмæ – ацы æмæ æндæр фарстатыл ныхас кодтой æнæнхъæлæджы уавæртæ рагагъоммæ рабæрæг кæныны æмæ аиуварс кæныны республикон къамисы æмбырды. Амыдта йæ регионы сæргълæууæг Сергей Меняйло. Куыд фæнысан кодта, афтæмæй Цæгат Ирыстоны зынгсирвæзтытæй тæссаг у. Ныридæгæн нысангонд æрцыд 288 зынгсирвæзты, уый фаронимæ абаргæйæ цалдæр хатты фыдæр у. Уыдонæй 154 цауы баст сты хус кæрдæгыл зынг бафтауынимæ. Регионы разамонæг фæсидт хицауады уæнгтæм фыдбылыз ма руадзыны фæдыл. Афоныл хаст уынаффæтæ æмæ цæрджытимæ æмбарынгæнæн ныхасы фæрцы бæллæхæй бахизæн ис, - загъта республикæйы сæргълæууæг. Дзуапдæттæг управленийы разамынд куыд фехъусын кодтой, афтæмæй специалисттæ æппынæдзух рад хæссынц зынгсирвæзтæй тæссаг бынæтты.