Елхоты 2-æм астæуккаг скъолайы байгом фæллойадон бригадæ

Æнæ кусгæйæ цард нæй. Ацы æмбисонд зонгæ у алкæмæн. Сæрдыгон бонтæ ралæууыдсты. Скъоладзаутæ ацы афоныл бынтон цин фæкæнынц. Сæ уæгъд рæстæг раст æмæ пайдаимæ арвитыныл дæр бирæтæ ахъуыды кæнынц. Кировы районы 2-æм скъолайы раздæрау райдыдта кусын фæллойадон бригадæ. Ахæм хъæппæрис фæзынд Кировы районы сæргълæууæг Нæкуысаты Барисмæ. Æнæнуи та, ацы хъуыддагыл фыццаг сдзырдта республикæйы сæргълæууæг Битарты Вячеслав. Зæххы куыст кæнын, уыимæ ма сæхи фаг æхца дæр бакусын. Иу мæйы бæрц скъоладзаутæ бавзардзысты сæ тыхтæ аграрон куысты. Быдыры фæллой кæнынмæ ацы сывæллæттæ сты цæттæ. Елхоты 2-æм скъолайы 8,9 æмæ 10 кълæсты ахуырдзауты гæнæнтæ фæуæрæхдæр сты. Ныр сæрдыгон улæфæн бонты сæ чыссæйы æвæрæнтæ фæхъæздыг кæнын сæ бон у хибарæй. Хи хъаруйæ бакусын æмæ ног ахуырадон азмæ дæхи бацæттæ кæнын. Ахæм хæс йæ размæ `вæры алы скъоладзау дæр. Елхоты 2-æм скъолайы раздæрау быдыртæм кусынмæ ацы мæй абалц кæндзæн кусæн къорд, уым та ис 30 скъоладзауы. Пилотон проектмæ гæсгæ скъоладзаутæ архайдзысты хъæууон хæдзарады кооператив "Де Густо"-йы дыргъдæтты. Ам лæппутæ æмæ чызджытæ иу мæйы дæргъы æмбырд кæндзысты фæткъуытæ. Цыппар сахаты куыстæн сын алы бон фиддзысты 4 сæдæ сомы. Уымæй уæлдай ма районы куыстдæттыны службæ алы скъоладзауæн бафиддзæн 2 мин æмæ 235 сомы. Афтæмæй иу мæймæ сæ мызды бæрц уыдзæн 9-æй 10 мин сомы онг. Ахæм хъуыддаг æцæгæйдæр пайда кæй у, ууыл дызæрдыг æппындæр ничи кæны. Æрæджы нæ республикæйы сæргълæууæг Битарты Вячеслав бахаста хъæппæрис цæмæй скъоладзаутæ бацархайой хъæууон хæдзарадон къабазы. Эксперементы хуызы ныффидар кодтой проект. Йæ фæлгæты хистæркъласонтæ цæудзысты сæрмагонд ахуыртæ. Пилотон проект сæххæст кæнынмæ равзæрстой Кировы район. Ам скъоладзаутæ проектмæ гæсгæ хъуамæ картоф, хъæдындз, цæхæра æмæ алыхуызæн зайæгойты куыст кæной. Проекты архайджытæ сты 6-æй 9-æм кълæсты ахуырдзаутæ. Цыдон зæрдæтæн ацы хъуыддаг у æхсызгон. Проекты сæйраг нысан- скъоладзаутæн аграрон куыст бауарзын кæнын. Уыдонæн æрмæст зонадон куыст фаг нæу. Афтæ хъуыды кæнынц мадзал аразджытæ. Зæгъынц: зæххимæ архайын, халсартæ садзын æмæ тыллæг æмбырд кæнын хъуамæ зона алчидæр. Цавæртæ уыдзысты сывæлллæтты æнтыстдзинæдтæ, уый сбæрæг кæндзысты ацы мæйы кæрон. Пелиты Сабинæ _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv