Мидхъуыддæгты министрады Æхсæнадон Советы æмбырд

Цæгат Ирыстоны мидхъуыддæгты министрады уыди æхсæнадон советы æмбырд. Арæзт æрцыд профессор, Уæрæсейы Федерацийы ахуырады хайады цытджын кусæг Чеджемты Сергейы хъæппæрисæй. Æмбырды бацархайдта нæ республикæйы мидхъуыддæгты министр Михаил Скоков. Советы ног æмбырды цыппæрæм сконды ныртæккæ ис 20 цытджын æхсæнадон архайæджы. Уыдонæн сæ фылдæр сты, уымæй размæ дæр ацы Советы чи уыди, уыдон. Ныридæгæн фыццаг хатт æхсæнадон советы архайдзысты: Дзæуджыхъæуы Кафедралон аргъуаны епархион хайады клирик Дмитрий Кондратьев, ЦИПУ-йы социологийы кафедрæйы доцент, социологон наукæты кандидат Къорнаты Арсен, газет «Северная Осетия»-йы сæйраг редактор Битарты Маринæ, æхсæнадон архайæг, фонд «Лига талантов»-ы сæрдар Хъараты Анзор æмæ Цæгат Ирыстоны Мидхъуыддæгты министрады паддзахадон автоинспекцийы æхсæнадон куыстыты разамонæг Виктор Ревегук. Министр йæ разныхасы раарфæ кодта æхсæнадон кусджытæн. Бузныг сын загъта, кæрæдзийымæ æмгуыст кæй кæнынц, уый фæдыл. Михаил Скоков ма радзырдта, фидæны сæм цы пълæнттæ æмæ нысæнттæ уыдзæн Стыр Уæлахизы 75-азы бонмæ, уый тыххæй дæр. Уымæй уæлдай нæ республикæйы мидхъуыддæгты министр се 'нтыстджын куысты фæдыл кады гæххæттытæ балæвар кодта, 2016-2019 æзты Æхсæнадон Советы сконды чи уыди, уыдонæн. Генералы къухтæй алчидæр райста ног æвдисæндартæ. Æхсæнадон архайджытæ сæ куысты размæ сарæзтой æвзæрстытæ. Советы сæрдарæй æвзæрст æрцыд Цæгат Ирыстоны Евгений Вахтанговы номыл Уырыссаг театры директор, Уæрæсейы адæмон артист Владимир Уваров. Уый фæстæ та равзæрстой йæ хæдивæг æмæ йæ нымæрдары. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv