Миграцион службæйы кусджытæ бæрæг кодтой сæ профессионалон бон

Хурхæтæны мæйы 14 боны Федералон Миграцион службæйы кусджытæ бæрæг кодтой сæ профессионалон бон. Уый тыххæй Уæрæсейы Президент указ бафыста 2007-æм азы хурæтæны мæйы 4 боны. Уæвгæ, службæйы райгуырды боныл банымайæн ис 1992-æм аз. Авд азы фæстæ дзы сарæзтой федерацийы хъуыддæгты фæдыл, националон æмæ миграцион политикæйы министрад. 2002-æм азы 23-æм февралы миграцион хъуыддæгтæм цæст дарыны æмæ хицауадон æмархайд ацы хъуыддæгты фидар кæныны хæстæ æрæнцадысты Мидхъуыддæгты министрадыл. 2016-æм азы хуымгæнæны мæйы 5 боны Миграцион службæ Уæрæсейы президенты бадзырдмæ гæсгæ рацарæзтой. Бакодтой йæ Мидхъуыддæгты министрады бæрны. Фæзынд ын ног ном дæр - миграцийы хъуыддæгты фæдыл Сæйраг управлени. У хæдбар оперативон дæлхайад. Ис Уæрæсейы Мидхъуыддæгты министрады централон аппараты `вджид. Йæ сæйраг хæс у миграциимæ баст паддзахадон политикæ æххæст кæнын æмæ æнæзакъон миграци ма уадзын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv