Бæрнон хæс

Цæгат Ирыстоны сæргълæууæг Битарты Вячеслав фембæлд Уæрæсейы гвардийы Цæгат Каквказы зылды къомандыгæнæг инæлар лейтенант Игорь Гетмановимæ. Битарты Вячеслав ын арфæ ракодта, ахæм бæрнон хъуыддаг ын кæй бабар кодтой, уый фæдыл. Нæ республикæйы сæргълæууæг куыд фæнысан кодта, афтæмæй Уæрæсейы гвардийы куыст у ахсджиаг æмæ хъæугæ. Æппæт регионты дæр æдасдзинад хъахъхъæнынц. Игорь Гетманов дæр загъта бузныг Битарты Вячеславæн æмгуыстдзинады тыххæй. Уымæй уæлдай ныфс бавæрдта, нæ Уæрæсейы гвардийы уæнгтæ республикæйы цæрджыты æдасдзинад дæрддæр дæр кæй хъахъхъæндзысты, уымæй. Бафтаудзыстæм ма уый, æмæ Игорь Гетманов нæ республикæимæ рагæй зонгæ у. 1992 азы каст фæцис Орджоникидзæйы æфсæддон уæлдæр училище. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv