Дзæуджыхъæуы базарадон-экономикон техникумы цæуынц æрыгон дæсныты ерыстæ

Нæ республикæйы цæуынц ерыстæ «Молодые профессионалы», зæгъгæ. Æрыгон дæснытæ сæ ахæстдзинад æвдисынц алыхуызон хæринæгтæ кæнынæй. Архайынц дзы астæуккаг ахуырадон уагдæтты студенттæ. Азæй-азмæ ерысты домæнтæ кæнынц бæрзонддæр. Йæ архайджыты дæсныдзинад дæр. Се 'ппæт дæр кусынц «Worldskiils»-ы программæмæ гæсгæ. Куыд цæуынц, уый фенынмæ Дзæуджыхъæуы базарадон-экономикон техникуммæ абалц кодта не сфæлдыстадон къорд дæр. Бæлвырддæр радзурдзæн нæ уацхæссæг Хуасдзауты Алинæ. Азиты Екатеринæ ахуыр кæны хæринаггæнæгыл. Куыд зæгъы, афтæмæй йæ сабибонтæй уый йæ бæллиц уыди. Кæд нырмА фыццæгæм курсы ахуыр кæны, уæддæр бирæ сусæгдзинæдтæ базыдта. Абон йæ арæхстдзинад иннæ студенттимæ æвдисы æрыгон фæсивæды ерыстæ «Молодые профессионалы», зæгъгæ. Архайджытæ 4 сахаты дæргъы æвдыстой сæ арæхстдзинад алыхуызон хæринæгтæ кæнынмæ. Дихгонд уыдысты дыууæ къордыл: юниортæ æмæ хистæр курсты студенттæ. Юниортæ хъуамæ сарæзтаигкой соус, винегрет, майонез æмæ дзидзайæ хæринæгтæ гарниримæ. Архайджыты арæхстдзинадæн аргъ кодтой фæлтæрдджын жюрийы уæнгтæ. Сæ цæст дардтой, куысты мидæг дæр сæхи куыд æвдисынц ерысты архайджытæ, уымæ. Стæй сæ хæринæгтæ куы сцæттæ сты, уæд сын саргъ кодтой цалдæр бæрæггæнæнмæ гæсгæ. Алы жюрийы уæнгыл дæр ис йæхи хæс. Чидæр аргъ кæны хæринагæн йæ уынд æмæ йе ’ддаг бакастæн, чи та æвзары йæ ады лыстæг миниуджытæ. Алчидæр дзы сæвæры йæхи бæрæггæнæнтæ. Ерыстæ систы æрвылазон. Ныртæккæ уал цæуы сæ фыццаг къæпхæн. Архайынц дзы, нæ республикæйы хæринаггæнæджы дæсныйадыл чи ахуыр кæны, уыцы студенттæ. Мæздæг, Елхот, Беслæн æмæ бирæ æндæртæ. Абон ма сæ дæсныдзинад æвдыстой къæбæрфыцджытæ дæр. Ацы дæсныйады архайынц 5 студенты. Хуыссæйæ аразынц дзулы алы хуызтæ æмæ адджын гуылтæ. Сæйраг эксперт Элина Кобаидзе: «Æнцон уавæрты не’ сты нæ архайджытæ. Сæ хуыссæ хъуамæ уа фæлмæн. Цæмæй арæзт у, уыдонæн сæ бæрц хъуамæ раст сбæрой. Фыцынц дзул куыд дыргътимæ, афтæ хусгонд дыргътимæ дæр. Нырма сын сæ куыстæн аргъ нæма скодтам. Фæлæ, мæ бон зæгъын у, сæ размæ æвæрд хæс се 'ппæт дæр баххæст кодтой». Конкурсы архайджытæн сæ куыст арæзт у «Wordskills»-ы программæмæ гæсгæ. Азæй-азмæ домæнтæ бæрзонддæр кæнынц. Ерыстæ ахæсдзысты æнæхъæн къуыри. Хуыздæртæн уыдзæн фадат æппæтуæрæсейон къæпхæны архайынæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv