Дондзæуæн хæтæлтæ нæ республикæйы цæмæй сног кæной, уый тыххæй кусынц сæрмагонд проектыл

Дондзæуæн хæтæлтæ нæ республикæйы цæмæй сног кæной, уый тыххæй кусынц сæрмагонд проектыл. Уый тыххæй хъусын кæнынц Цæрæнуæтты-коммуналон хæдзарад, артаг æмæ энергетикæйы министрады. «Лац» дондзæуæн хæтæлты арæзтад æмæ Уæллаг Фыййагдоны дондзæуæн системæмæ йæ баиуы кæныны проектон-спетон документаци, хорз бæрæггæнæнтимæ, ацыд паддзахадон экспертизæ. Ахæм хатдзæг скодтой дондзæуæн хæтæл «Урсдон»-æн дæр. Сараздзысты дзы 2 мины 400 кубон метры дон фæстуæрцгæнæн бынат, 26 километрæй фылдæр та дондзæуæн хæтæлтæ. Заууат уавæры ныртæккæ сты Дигорайы хæтæлтæ. Сцалцæг кæныны тыххæй проект паддзахадон экспертизæ ацыд. Планмæ гæсгæ, хъуамæ раивой хæтæлты 115 километры. Алагиры районы дæр цалцæггæнæн куыстытæ тагъд райдайдзысты. Нырма уал сæм специалисттæ хъуамæ æркæсой. Зæгъæм, Алагиры раивдзысты дондзæуæн хæтæлты 90 километры. Проектон гæххæттытæ снысан кодтой Тарскæйы цацлæггæнæн куыстытæн дæр. Уым та фæнд кæнынц дондзæуæн хæтæлты 35 километры раивын, 3 дон фæстауæнцæгæн бантмæ базилдзысты æмæ ма сæм иу бафтаудзысты. Æмткæй райсгæйæ, æппæт уыцы куыстытæн бахъæудзæн 57 милуан сомæй фылдæр. Уый тыххæй фæнд кæнынц алыхуызон федералон программæты архайын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv