Мæздæджы районы скъолаты ахуыргæнджыты мызд фæфылдæр

Афæдзы райдианæй йæ тыхы бацыд ахуыргæнджытæн мызд дæттыны ног системæ дæр. Аивтой бындурон æмæ разæнгардгæнæн фиддонтæ. Ахуыргæнджыты мызд фæфылдæр кæнынæн республикæйы бюджетæй радих кодтой 300 милуан сомы. Уый хауы æппæт ахуыргæнджытæм дæр: Дзæуджыхъæуæй райдай æмæ суанг дæрддзæф хъæуты цы ахуыргæнæндæттæ ис, уыдоны кусджытæм дæр. Уæлдайдæр æй банкъардтой æрыгон специалисттæ. Татьянæ Злобинæ ЛУковскæйы станицæйы скъолайы историйы ахуыргæнæг у. Ныридæгæн кусы 6 азы. Ахуыргæнæджы дæсныйад райсынæй сабибонтæй фæндыд, кæд æй æмбæрста йæ мызд гыццыл уыдзæн, уæддæр. Январы Татьянæ Злобинæйы æмæ скъолайы иннæ ахуыргæнджыты мызд фæфылдæр. Луковскæйы станицæйы скъолайы кусы 55 ахуыргæнæджы. Сæ куыстæн сын ног системæмæ гæсгæ фылдæр аргъ кæнын кæй райдыдтой, уый тыххæй хъусын кæны ахуыргæнæндоны разамонæг дæр. Мызд фидыны ног системæ республикæйы фæзынд ацы азы райдиан. Ахуыргæнджыты мызд фæфылдæр кæныны тыххæй республикæйы бюджетæй рахай кодтой 300 милуан сомы. Ныртæккæ бындурон хай сырæзт 13 мин æмæ 800 сомы онг. Ног системæйы сæйраг нысан - æрыгон ахуыргæнджыты сразæнгард кæнын. Цæмæй æрыгон педагогты скъолайы кусын фæнда. Ууыл дзурынц республикæйы адæмон ахуырады кусджыты цæдис дæр. Ахуыргæнджытæм мызды тыххæй фарстатæ куы сæвзæры, уæд сын сæ ахуыргæнæндоны разамонджытæ бамбарын кæнынц. Уыимæ ма мызды тыххæй базонæн ис республикæйы ахуырад æмæ наукæйы министрады. Уый тыххæй дзы снысан кодтой сæрмагонд телефоны номыр. Ныртæккæ йæ уынут телевизоры экрантыл. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv