Ахсджиаг фембæлд

Тускъаты Таймураз фембæлд Уæрæсейы æнæниздзинад хъахъхъæныны министры æххуысгæнæг Анатолий Гулинимæ. Ныхас цыд къабазы ахсджиагдæр фарстатыл. Фембæлды архайдтой нæ республикæйы æнæниздзинад хъахъхъæныны министр Годжыцаты Тамерлан æмæ медицион уагдæтты разамонджытæ. Хицауады сæрдар фæбæрæг кодта, федералон центры æххуысы руаджы нæ республикæйы æнæниздзинад хъахъхъæнынады системæйы уавæр зынгæ кæй фæхуыздæр. Уыимæ ма æрдзырдтой æнæмæнг медицинон фæдзæхстады фарстатыл. Бæлвырддæр зæгъгæйæ та, Цæгат Ирыстоны медицинон кусæндæтты полисмæ гæсгæ лæггæдтæ кæныны фæткыл. Уæ зæрдыл уын æрлæууын кæндзыстæм, раздæр уал Хуссар Ирыстоны хицауад нæ республикæйы æнæниздзинад хъахъхъæны министрадимæ бадзард кæй бафыста. Нырæй фæстæмæ Хуссар Ирыстоны цæрджытæн Уæрæсейы медицинон æххуыс кæндзысты æнæмæнг медицинон фæдзæхстады гæххæттытæм гæсгæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv