Уæрæсейы гæрзифтонг тыхты аргъуан

Цæгат Ирыстон, Мæскуы, Ростовы област æмæ Краснодары крайы цæрджытæ Уæрæсейы гæрзифтонг тыхты аргъуаны арæзтадон куыстытæн сæмбырд кодтой æппæты фылдæр фæрæзтæ. Уый тыххæй Псковы сæрмагонд пресс-конференцийы фехъусын кодта хæрзаудæн фонд «Воскресение»-йы генералон директор Александр Каньшин. Куыд фæбæрæг кодта, афтæмæй æрмæст æхца нæ лæвар кæнынц адæм, бирæ куыстуæттæ дæттынц арæзтадон техникæ дæр. Æххуыс кæнынц бирæ адæм, уыимæ ма æхсæнадон организацитæ дæр. Александр Каньшин ма куыд радзырдта, афтæмæй ныртæккæ арæзтадон куыстытæ сæ тæмæны сты. Аргъуан хъуамæ байгом кæной иннæ аз, 9-æм маймæ. Ныртæккæ уал æрæмбырд кодтой 9 милуаны бæрц фæрæзтæ. Аргъуан арæзт цæуы Уæрæсейы хъахъхъæнынады министр Сергей Шойгуйы хъæппæрисæй. Сæ æвæрæн бахастой Уæрæсейы Федерацийы президент Владимир Путин, стæй Уæрæсейы патриарх Кирилл дæр. Аргъуан куы байгом кæной, уæд йе ’мхуызон байгом уыдзæн историон-мемориалон комплекс «Дорога памяти». Уым фыст æрцæудзысты, немыцы æфсады ныхмæ чи хæцыд, уыдоны нæмттæ. Ныртæккæ уал лæмбынæгæй æмбыргонд цæуынц æрмæджытæ. Сергей Шойгу куыд загъта, афтæмæй ацы аргъуаны æрмæст Стыр Фыдыбæстæйы хæсты чи фесæфт, уыдоны нæмттæ нæ уыдзысты, фæлæ ма зæххы къорийыл хæстыты чи архайдта, уыдоны нæмттæ дæр. Уæрæсейы сæйраг гæрзифтонг тыхты аргъуан хъуамæ байгом уа 2020-æм азы æфсæддон -культурон парк «Патриот»-ы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv