Aqşin Tarıxi - Bıji, xosə Vətən, bıji, ha Tolış!

MP3 Download: https://cloud.mail.ru/public/BjZn/sG4SmHMKW Bıji, xosə Vətən, bıji, ha Tolış! İ tərəf band, vişə, i tərəf dıyo Xıdo həzo nemət ekardə iyo Bızın rəvoş jəydəş bə çəmə dınyo Tı zəmində obə çı vəşti vıliş Bıji, xosə Vətən, bıji, ha Tolış! Bətı cohonədə hiç çi ərəsni Iştı ğəd-ğıyməti nodon dərəsni Çanə bıvotomən, zındəm ki, vəs ni Har çiysə mığəddəs, har çiysə yoliş Bıji, xosə Vətən, bıji, ha Tolış! Tarixdə ve dışmen omə ıştısə Nomərdon ve şımşi kəşə peştisə Ənə durum harde, aşiş biş vəse Bekə ıştə sədo, nıvoton loliş Bıji, xosə Vətən, bıji, ha Tolış! Iştı jimoniro əmə hestimon Be tı jimonədə, bızın hiçkimon Bə nəbəyş, nəznimon, hiç əmə kimon Tı andomdə rufiş, tı çəmə dıliş Bıji, xosə Vətən, bıji, ha Tolış! Əmə ıştı fərzənd, sərbozonimon Detı iqlə bədən, iqlə conimon Çətinə rujədə, tıku co nimon Barz bıqət ıştə sə, bızın coyli niş Bıji, xosə Vətən, bıji, ha Tolış! Aqşini həyatdə bətı ğarz veye Jimoni məğsədış, ıştı barz beye Əv konco nıboən detıno iye Bızın ki çəy orzu, tı çəy xəyoliş Bıji, xosə Vətən, bıji, ha Tolış! Şeir/İfo: Aqşin Tarıxi Kadusiyon kanali fəaliyəti əniyən ozavziyeş piəkəson ianə karde bəzınen Kadusiyon kanalının fəaliyyətinin dahada inkişafını istəyənlər ianə edə bilərlər 5522 0993 5266 6291 (12/28)