Хуссар Ирыстоны сбæрæг сты Хетæгкаты Къостайы номыл премийы лауриаттæ

Хуссар Ирыстоны сбæрæг сты Хетæгкаты Къостайы номыл премийы лауриаттæ. Номхыгъды нывгæнджытæ, журналисттæ, зарæггæнджытæ æмæ режиссертæ. Æдæппæттæй ацы аз сæ курдиæттæ балæвæрттой 14 адæймаджы. Уый тыххæй фехъусын кодта Хуссар Ирыстоны Хетæгкаты Къостайы номыл Паддзахадон премийы къамисы сæргълæууæг Джиоты Мурат. Хетæгкаты Къостайы 160 азы юбилейы агъоммæ къамис бакусдзæн æмæ равзардзæн лауреатты ахæм къабæзты, куыд литературæ, аивад, публицистикæ æмæ ирон филологи. Джиоты Мураты ныхæстæм гæсгæ, лауреатты нæмттæ сбæрæг уыдзысты 15 октябрæй раздæр. Ацы аз преми райсынмæ фылдæр сæ курдиæттæ балæвæрттой аивады къабазы архайджытæ. Уæ зæрдыл уын æрлæууын кæндзыстæм, ахæм преми саккаг кæнынц куыд Цæгат, афтæ Хуссар Ирыстоны дæр. Хуссар Ирыстоны ацы преми 2009 азы бафыста президент. Алы æзты преми райстой фысджытæ: Хъазиты Мелитон, Гаглойты Роберт, Бигъулаты Иринæ æмæ æндæртæ. Нæ республикæйы та йæ исынц 1964 азæй фæстæмæ. Фыццæгты хсæн уыдысты дунейыл хъуыстгонд лингвист Абайты Васо æмæ курдиатджын фыссæг Мамсыраты Дабе. Уый фæстæ Жорж Дюмезиль, Джыккайты Шамиль, Плиты Грис Æлборты Феликс æмæ æндæртæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv