Згъæр æхца баивтой гæххæттæй купюрæтæй

249 азы размæ ацы бон Уæрæсейы фæзындысты фыццаг гæххæттын æхцатæ. Уыдысты 25, 50 æмæ 70 сомтæ. Фæлæ сын æхцайы аргъ нæма уыди. Гæххæттытæй ивтой æрхуы æмæ иннæ згъæр æхцатæ. Ног ассигнациты фæрцы Екатеринæ 2-æм хъавыди æхцайы зилдух фæхуыздæр кæнын. Уыимæ згъæр æхцатæ уæззау уыдысты. Дзырдæн зæгъæм, иу мин сомы æрхуы æхцайæ ластой 2 тоннæйæ фылдæр. Гæххæттын æхца та уæз нæ кодта. Фыццаг ассигнацитæ скодтой, паддзахы хæдзары цы стъолы æмбæрзæнтæ æмæ къухсæрфæнтæ уыди, уыдонæй. Се `ддаг бакаст уыди иухуызон, хицæн кодтой æрмæстдæр, цы нымæцон сыл мыхуыр кодтой, уымæй. Фæстæдæр сæ баивтой кредитон билеттæй. Уæрæсейы ныртæккæ гæххæттын æхцатæ ис 5, 2 æмæ иу мин сомы. Стæй ма фондзсæдæ, 200, 100, 50 сомы æмæ туман. 2 мин сомы æмæ 200 сомы рауагътой хæрзæрæджы. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv