Терроризм æмæ экстремизмы профилактикæйыл ныхас цыд фæсарæйнаг студенттимæ

Цæгат Ирыстоны медицинон академийы фæсарæйнаг студенттæн радзырдтой, экстремизм æмæ терроризм цы зиан хæссынц, уый тыххæй. Базонгæ сæ кодтой, адӕмы дин ӕмӕ национ бындурыл кӕрӕдзиуыл чи ардауы, уыдонмӕ закъоны домæнтӕм гӕсгӕ цы ӕфхӕрд кӕсы, уый тыххӕй. Мадзаларазæг — Дзæуджыхъæуы администрацийы барадхъахъхъæнæн оргæнтимæ æмгуыстады управлени. Æмбырды архайдтой республикæйы национ политикæ æмæ æддагон бастдзинæдты министрады минæвæрттæ, мидхъуыддæгты министрады специалисттæ, дины кусджытæ, пысылмæтты æмæ æхсæнадон организациты уæнгтæ. Ныртæккæ Цæгат Ирыстоны медицинон академийы ахуыр кæнынц 500 студенты дунейы 30 бæстæйæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv