Битарты Вячеслав фембæлд Михаил Ратмановимæ

Цæгат Ирыстоны сæргълæууæг Битарты Вячеслав фембæлд республикæйы æнæниздзинад хъахъхъæнынады министр Михаил Ратмановимæ. Сæ ныхасы сæр уыдис, федералон центр республикæйæн цæмæй баххуыс кæндзæн, уый. Æрдзырдтой Уæрæсейы хицауады сæрдары хæдивæг Ольга Голодецы протоколон уынаффæты тыххæй. Уыдонмæ гæсгæ Цæгат Ирыстонæн хъуамæ радих кæной тарниз дзæбæхгæнæн медицинон кусæнгарз æмæ тагъд æххуысы машинæтæ. Ивгъуыд азмæ уал сын се 'рдæг баивтой. Ныр уыцы куыст хъуамæ кæронмæ ахæццæ кæной. Ацы хабармæ лæмбынæг цæст дарынæй министр зæрдæ бавæрдта Битарты Вячеславæн. Республикæйы сæргълæууæг арфæ ракодта ведомствæйы разамонæгæн, йæ кусджытæн æмæ бафиппайдта, министрады куыст районтыл хорзырдæм кæй фæбæрæг. Æмбырды ма æрныхас кодтой карантины тыххæй дæр. Битарты Вячеслав бабар кодта министрæн ацы фарстамæ уæлдай тынгдæр кæсын. Михаил Ратманов ма радзырдта, «Медтехникæ» ногæй кæй скуыста, уый тыххæй. Ис министрады бæрны. Цалцæг кæндзæн республикæйы æнæниздзинад хъахъхъæнынады уагдæтты медицинон техникæ. Организацийы кусджытæ та ацæудзысты сæ фæлтæрддзинад фæуæрæхдæр кæныны ахуыртæ. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv