Битарты Вячеслав тæфæрфæс ракодта Керчы фыдбылызы амæттæгты ныййарджытæ æмæ хиуæттæн

Битарты Вячеслав тæфæрфæс ракодта Керчы фыдбылызы амæттæгты ныййарджытæ æмæ хиуæттæн.  Сывæллæттæ кæй фæмард сты, уый нын нæ зæрдæтæ тынг чи фæриссын кодта, ахæм цау, зæгъы цæгат Ирыстоны сæргълæууæг. Битарты Вячеслав æмзæрдæдзинады ныхæстæ загъта, чи фæмард, уыдоны хæстæджытæн. Рынчындæттæм чи бахауд, уыдонæн та йæ зæрдæ зæгъы æнæниздзинад. Керчь, Хъырым ацы зын сахат мах стæм уæ фарсмæ-фæнысан кодта нæ республикæйы сæргълæууæг. Керчы амæттæгты ном ссардтой Беслæны дæр. 1-æм скъолайы спортзалы æрбамбырд сты 2004 азы амынæты чи бахауд уыдон æмæ Беслæны цæрджытæ. Минут æдзæмæй алæугæйæ ссардтой цы сывæллæттæ фесæфт, уыдоны рухс ном. Уый фæстæ ссыгътой мыдадзын цырæгътæ æмæ дзы равæрдтой дзырд «КЕРЧЬ». Уæ зæрдыл уын æрлæууын кæндзыстæм знон 18-аздзыд Владислав Росляков æхсын райдыдта КЕрчы политехникон колледжы. Уымæй уæлдай ма дзы æрцыд срæмыгъд дæр. Фыдбылызы амæттæгтæ - 21 адæймаг. Цыппор адæймагмæ ввахс бахаудысты рынчындонмæ. Абон хъырымы райдыдтой саударæн бонтæ. Уыдзысты æртæ боны. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv