РЦИ-Аланийы сæргълæууæг Битарты Вячеслав 20 æм июны фембæлдзæн Кировы районы цæрджытимæ

Битарты Вячеслав дарддæр æмбæлы Цæгат Ирыстоны цæрджытимæ. 20 июны республикæйы сæргълæууæг уыдзæн Кировы районы уазæг. Сæ фæрстытæ радтыны фадат уыдзæн Кæрдзыны æмæ Хъахъхъæдуры цæрджытæн. Æмбырд уыдзæн Кæрдзыны хъæуы культурæйы бынæттон хæдзары 18 сахатыл æмæ 30 минутыл. Бафтаудзыстæм ма уый Битарты Вячеслав ахæм фембæлдыдтæ аразы æппынæдзух. Нæ республикæйы сæргълæууæг ныридæгæн уыд Алагиры æмæ Æрыдоны районты. Цæрджыты тынгдæр тыхсын кæны зæххыты фарста. Бирæ хъæуты хæдзæрттæм дон кæлы къуылымпытимæ. Уымæй уæлдай ма адæм се ргом раздахынц æнæниздзинад хъахъхъæныны æмæ ахуырады къабазы хъуыддæгтæм. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv