Цæгат Ирыстоны скъолаты цæуынц терроризмы ныхмæ æппæтуæрæсеон ахуыртæ

Цæгат Ирыстоны райдыдтой терроризмы ныхмæ æппæтуæрæсеон ахуыртæ. Специалисттæ бакуыстой сæ архайдыл дыууæ мæнг æвæстиаты цауы рæстæг. Бæстыхай бацахстой, ссардтой дзы рæмудзæн æрмæг. Ахуырадон уагдӕтты разамонджытæ æмæ ахуыргæнджытæ уайтагъд сарæхстысты. Фыццаг цауы бамбæхстысты дæрддзæф кълæсты, ахуырдзауты басабыр кодтой. Дыккаджы та фæдзырдтой дзуапдæттæг ведомствотæм - Уæрæсейы гвардийы кусджытæм, æнæнхъæлæджы уавæрты æмæ мидхъуыддæгты министрадты специалисттæм. Уыдон æвæстиатæй сæмбæлдысты бынатмæ, баххӕст кодтой æппæт хъæугæ мадзæлттæ.