Педагогон дæсныдзинады республикон конкурстæ райдыдтой Дзæуджыхъæуы

Педагогон дæсныдзинады республикон конкурстæ «Лучший учитель года» æмæ «Педагогический дебют» райдыдтой Дзæуджыхъæуы. Æркасты архайынц 65 адæймаджы. Сты республикæйы алы районты ахуыргæнджытæ. Абон уал Хетæгкаты Къостайы номыл 13-æм скъола йæ дуæрттæ байгом кодта 6 адæймагæн. Уыдон сты ирон æвзаг æмæ литературæйы ахуыргæнджытæ. Архайджытæ разæнгардæй ацы скъолайы сæ тыхтæ æвзардзысты 3 боны дæргъы. Æнхъæлмæ сæм кæсдзæн 60 минуты бæрц равдисын гом уроктæ, 10 минуты бæрц - методикон бындурæвæрд, 40 минуты бæрц - йæхи урок, дарддæр жюрийы фæрстытæн ахуыргæнджытæ ратдзысты дзуаппытæ. 7 февралы та райдайдзысты конкурсон фæлварæнтæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv