Паддзахады 'ххуысæй

Йæ сывæллæтты иунæгæй чи хъомыл кæны, уыцы ныййарджытæн баххуыс кæндзысты æхцайæ. Уый тыххæй Паддзахадон Думæмæ закъоны проект бахастой Владимир Жириновский æмæ Ярослав Нилов. Ахæм хъæппæрисы фарс рахæцыд нæ республикæйы парламент дæр. Социалон æххуыс исдзæн, 3 азæй 18 азы онг кæуыл цæуы, ахæм сывæллæтты мад кæнæ фыд. Ног закъоны проект куы сфидар кæной, уæд æхцайæ фæкæсдзысты æххуысцух бинонтæн дæр. Æхцайы бæрц нырма бæрæггонд нæу. Депутатты ныхæстæм гæсгæ, ныртæккæ нæ бæстæйы экономикон уавæр бирæ бинонтыл æвзæрырдæм фæзынд. Ацы азы 1-æм январæй бирæсывæллонджын бинонтæ исынц паддзахадон æххуыс. Алы мæй дæр сын мадæлон капиталæй радих кæнынц 10 мин сомы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv