Наркотикты ныхмæ закъон скарздæр кодтой

Интернеты тыгъдады наркотиктæ чи парахат кæны, уыдоны æфхæрдзысты уголовон æгъдауæй. Закъонмæ ивддзинæдтæ баххæсыны тыххæй уынаффæ рахаста Уæрæсейы президент Владимир Путин. Ахæм хуызы фæнд кæнынц æнæзакъонæй наркотиктæ чи парахат кæны, уыдоны ныхмæ тох кæнын. Уыимæ ма Уæрæсейы президент бабар кодта, цæмæй пъæлицæйы кусджытæй наркотикты ныхмæ тохгæнæн хайæдты чи кусы, уыдоны нымæц фæфылдæр кæнын. Уый хорзы `рдæм фæбæрæг уыдзæн наркотиктимæ баст фыдракæндтæ раргом кæнынмæ. Раздæр ма снысан кодтой закъон, уымæ гæсгæ интернеты тыгъдады норкотиктæ цæттæ кæныны тыххæй видеормæджытæ чи парахат кæна, уыдоны ныхмæ гом кæндзысты уголовон хъуыддæгтæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv