Мариинаг театры сценæйыл цæуынц фæстаг цæттæгæнæн мадзæлттæ æмæ пьесæ «Паяцы» цы генералон репетицы

Кавказы V æппæтадæмон фестиваль «Мариинаг-Дзæуджыхъæу» дыккæгæм октябры райдайдзæн республикæйы. Мадзаларазæг — маэстро Гергиты Валерий. Программæйы стыр премьерæ оперæ «Паяцы». Сæвæрдта йæ Гуæцæлты Марат. Сæйраг партитæ амондзысты Мариинаг театры солисттæ. Ныртæккæ цæуынц кæронбæттæн репетицитæ. Уарзондзинад, фæлывд митæ æмæ зæрдæмæхъаргæ æнкъарæнтæ. Италийы темперамент æмæ цардыуаг фенæн уыдзæн Дзæуджыхъæуы. Бынæттон аивадуарзджытæн Мариинаг театр бацæттæ кодта дунейы классикы оперæ «Паяцы». Кæд уацмыс классикон æгъдаумæ гæсгæ æвæрд у, уæддæр дзы ис нырыккон дугимæ баст фæзилæнтæ. Фыццаджыдæр, уыдон сты костюмтæ æмæ декорацитæ. Æнæивгæ у æрмæст 19 æнусы цардархайд чи æвдисы уыцы музыкæ. Опера «Паяцы» режиссер-æвæрæг у Гуæцæлты Марат. Цавæр аивадон фæрæзтæй спайда кодта, уый нырма дзурæн нæй, фæлæ сын Мариинаг театры солисттæ аргъ скодтой. Премьерæ ацæудзæн Дзæуджыхъæуы Мариинаг театры филиалы сценæйыл 2-æм октябры. Цæгат Ирыстоны йæ равдисдзысты 5-æм «Мариинаг – Дзæуджыхъæу» æппæтадæмон фестивалы фæлгæты. Калоты Дзерассæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv