Битарты Вячеслав фембæлд Мæздæджы районы цæрджытимæ.

Битарты Вячеслав фембæлд Мæздæджы районы цæрджытимæ. Сæ фарстатимæ нæ республикæйы сæргълæууæгмæ æрбацыдысты 12 адæймаджы. Троицкæйы цæрæг бирæсывæллонджын сылгоймаг Валентина Кузнецова радзырдта сæ хæдзар кæй басыгъд уый тыххæй. Цардæн хъæугæ дзауматæ балхæнынæн сылгоймаг нæ республикæйы сæргълæууæгмæ æрбацыд материлон æххусмæ. Битарты Вячеслав ныфс бавæрдта кæй йын баххуыс кæндзысты уымæй. Алена Мягких Мæзæджы районы рынчындоны дохтырæй кусы. Цæгат Ирыстоны медицион академимæ йæ фæнды ординатурæмæ бацæуын. Цæмæй ахуыры фæстæ йæ районы дарддæр  куса. Битарты Вячеслав республикæйы æнæниздзинад хъахъхъæныны министры `ргом ацы фарстамæ раздахдзæн. Æлборты Мулдар фæнд кæны æхсыры завод байгом кæнын. Кредиты хуызы йæ хъæуы падзахадæй æххуыс цæмæй хъæугæ кусæнгæрзтæ самал кæна. Битарты Вячеслав амалхъом адæймагæн бабар кодта республикæйы экономикæйы райрæзты министр Томайты Хъазыбегимæ фембæлын æмæ ацы хъуыддагыл аныхас кæнын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv