2020 азы Цæгат Ирыстоны фæзындзæн «Зокъоты кластер»

2020 азы Цæгат Ирыстоны фæзындзæн «Зокъоты кластер». Куыстуаты хъомыс афæдзмæ уыдзæн 200 тоннæйæ фылдæр. Уый тыххæй фехъусын кодта республикæйы хъæууон-хæдзарад æмæ хойраджы министр Уазиты Хъазыбег. Хи бæстæйы базайрæгты фылдæр кæныны пълан сæххæст кæнынмæ Цæгат Ирыстоны хицауад фидæны сараздзæн зокъоты куыстуат. Уыцы куыст кæнын райдайдзысты иннæ аз. Уазиты Хъазыбеджы ныхæстæм гæсгæ Æрласгæ продукци фæкъаддæр кæнынынæн республикæйы хицауад баххуыс кæндзæн, зокъоты продукци чи уадзы, уыцы куыстуат «Дачное»-йæн, æмæ суыдзæн «зокъоты кластерæн» йæ райдиан къæпхæн. Бизнес-пъланыл бакуыстой, æмæ хъуамæ скуса 2020 азы. Цæгат Ирыстоны цæрджыты зокъотæ цас хъæуы, уымæй 10-12% йедтæмæ не ’рзайын кæнынц. Иннæтæ та ласынц Сомих, Гуырдзыстон, Польшæ æмæ Уæрæсейы æндæр регионтæй. Арæхдæр Кæсæг-Балхъары республикæйæ. Хъæууон хæдзарады министр куыд фæбæрæг кодта, афтæмæй куыстуат «Дачное», зæгъгæ, æнтыстджынæй кусы æмæ йын ис хорз гæнæнтæ йæ райрæзтæн. Уыдон афæдзы райдианæй æрзайын кодтой æмæ ауæй кодтой зокъоты 52 т. Афæдзы кæронмæ ма ауæй кæндзысты æппынкъаддæр 20 тонны. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv