Завод «Электроцинк» баурæдта йæ технологон кусæнгæрзтæ

Завод «Электроцинк» баурæдта йæ технологон кусæнгæрзтæ. Ахæм уыдис, Уралы хæххон-металлургон компани æмæ Цæгат Ирыстоны разамынд кæй бафыстой, уыцы бадзырды сæйрагдæр мидис. Хабары тыххæй фехъусын кодтой заводы пресс-службæйæ. Сæ ныхæстæм гæсгæ, æххæстæй ныллæууыд вельцехы куыст. Йæ зилынæй уромгæйæ дзы цы клинкер разгъæлд, уый дæр 1-2-æм майы раластой. Къорд рæстæг ма заводы фæзуатæй ласдзысты клинкеры иннæ обæуттæ дæр. Технологон кусæнгæрзтæм та суанг электрон тых дæр нал цæуы. Чысыл бæлвырддæр - амынд бадзырды тыххæй. Республикæйы æмæ куыстуаты разамынддæттæг компанийы куыд баныхас кодтой, афтæмæй уалдзæгмæ завод йæ куыст хъуамæ бынтондæр баурæдтаид. 1 мин æмæ астсæдæ адæймагæн æнæбары куыстурæды тыххæй фыстой сæ мызды дыууæ æртыккæгæм хайы. Æнæ фæллой кæныны уавæртæй чи баззад, уыдонимæ сæрмагондæй æмбæлдысты адæмæн куыст дæттыны комитеты разамынды минæвæрттæ дæр. Кæйдæрты ты завод ахуыдта йæ иннæ куыстуæттæм. Зындгонд куыд у, афтæмæй уыдон сты Уæрæсейы алы регионты. Чи сразы, ахæмтæ уал разынд. «Электроцинчы» куыст бауромыны проект ныртæккæ иртасынц æдасдзинады домæнтæм гæсгæ. Сæ хатдзæгтæ хъуамæ сбæрæг уой майы кæронмæ. Фæнысан ма кæндзыстæм уый, æмæ завод сæхгæныны тыххæй республикæйы рагæй дзырдтой. Уыцы ныхæстæ ногæй стынг сты, егъау зынгсирвæзт дзы куы `рцыдис, уæд. Йæ аххосæгтæ рабæрæг кæныныл ныртæккæ кусынц слестгæнджыт. Зынсирвæзты фæстæ ма нæ республикæйы парламент фæсидт бæстæйы разамынд æмæ Урайлаг компанимæ, цæмæй «Электроцинк» сæхгæныныл сахадой. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv