Милдзыхты Вячеслав Донбассы сывæллæттæн бацæттæ кодта экскурси

Музейтæ, театртæ æмæ историон цыртдзæвæнтæ. Донбассæй лыгъд фæсивæды зонгæ кæнынц Дзæуджыхъæуимæ. Сабырдзинады проспекты аив бынæттыл сын экскурси сарæзта горæты администрацийы сæргълæууæг Милдзыхты Вячеслав. Цавæр æнкъарæнтæ сæвзæрд фæсивæдмæ сæ балцы рæстæг, уый тыххæй нæ дарддæры æрмæг. Дзæуджыхъæуы сæйраг уынгы бæстыхæйттæ хурбон уæлдай аивдæр вæййынц. Донецк æмæ Луганскы адæмон республикæты фæсивæд Сабырдзинады проспект федтой. Дæргъвæтин рæстæг æвзæр боныхъæд уыд. Ацы райдзаст бон та сын фадат уыд горæты историон хайы рæсугъддæр бынæттæ фенын. Экскурси бацæттæ кодтой Дзæуджыхъæуы администрацийы сæргълæууæг Милдзыхты Вячеславы хъæппæрисæй. Уазджытимæ æрзылд сæйраг уынгтыл, радзырдта сын ирддæр æмæ аивдæр объектты тыххæй. Хæстæгдæр базонгæ чызджытæ æмæ лæппутимæ. Фæстæдæр æрыгон уазджыты ахуыдтой аходæнмæ. Администрацийы минæвæрттæ зæрдæ бавæрдтой, ахæм фембæлдтытæ арæхдæр кæй араздзысты, уымæй. Æрæджы ма сывæллæттæн равдыстой Дзæуджыхъæуы театртæ æмæ музейтæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv