Вячеслав Володин фæсидт Европæйы Советы Æдасдзинады организацимæ

Вячеслав Володин фæсидт Европæйы Советы Æдасдзинады организацийы сæргълæууæгмæ, цæмæй Паддзахадон Думæйы раз бамбарын кæна, сæ регламенты цы аиппытæ æрцыдис, уый. Ныхас цæуы Уæрæсейы делегацийы ныхмæ фæткхæлдыл. 7-æм июлы ОБСЕ-йы парламенты ассамблейæмæ Уæрæсейы ныхмæ арæзт Гуырдзыстон æмæ Украинæ бахастой цалдæр резолюцийы. Уыимæ Уæрæсейы резолюцимæ, нацисттæй хъайтартæ аразыны хъуыддаг ма `руадзынмæ та сæ хъус дæр не `рдардтой. Афтæ Америка, Литва, Украина æмæ Великобритани дæр. Паддзахадон Думæйы сæрдар Вячеслав Володины ныхæстæм гæсгæ резолюцитæ регламенты бындурыл не сфидар кодтой. Хъæлæс кæнынæн цы 160 делегаты хъæуы, уыдон залы нæ уыдысты. Уæрæсейы делегацийы раныхас та æрдæгыл баурæдтой. Николай Рыжакы фæндыд делегатты `ргом, адæм фаг кæй нæй, уымæ аздахын. Цæмæн афтæ рауад, уый ОБСЕ-йы сæрдар Уæрæсейы парламенты раз хъуамæ бамбарын кæна. Уыцы хъуыддаг расайдта, кæронбæттæн декларацийы ОБСЕ Хъырым, Хуссар Ирыстон æмæ Абхазиимæ баст резолюцитæ Уæрæсейы ныхмæ кæй сфидар кодта. Уæрæсейы минæвæрттæ семæ разы нæ уыдысты, кворум æххæстæй кæй нæ сæмбырд, уымæ гæсгæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv