«Газпром»-ы специалисттæ рабæрæг кодтой 142 газы кусæнгарзимæ баст хъæндзинæдтæ

Афæдзы райдианæй «Газпром газораспределение Владикавказ»-ы специалисттæ рабæрæг кодтой 142 газы кусæнгарзимæ баст хъæндзинæдтæ. Бирæфатерон хæдзæртты цæрджытæн рафыстой сæрмагонд амынддзинæдтæ аиппытæ иуварс кæнынæн. Специалисттæ ахуыссын кодтой 26 газы кусæнгарзы. Сæ фылдæр дзуапп нæ лæвæрдтой æдасдзинады домæнтæн. Уыдысты хигъдауæй конд кæнæ ивд фæздæгдзæуæн æмæ вентиляцион системæтимæ æмæ æвзæр куыстой. Уыимæ ма æнæ бадзырдтæй цы пайдагæнджытæ уыд, уыдон бахаудысты сæрмагонд хыгъдмæ. Специалисттæ кæсынц, хæдзæрттæ æмæ фатерты цалцæггæнæн куыстытæ техникон æдасдзинадыл фæбæрæг сты æви нæ, уымæ. Афæдзы райдианæй сбæрæг кодтой 5 мин 435 цæрæнбынаты. Бадзырдтæ бафыстой 3 мин 643 адæймагимæ. Профилактикон мадзæлттæ ахсджиаг сты æнæнхъæлæджы цаутæ ма ’руадзыны тыххæй. Техникон æдасдзинадмæ куыдфæндыйы цæстæй кæсæн нæй, фæнысан кодта «Газпром газораспределение Владикавказ» сæйраг инженер Хуыдиаты Руслан. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv