Цæгат Ирыстоны фæзындысты уæлæмхасæн ахуырады бындурон муниципалон центртæ

Цæгат Ирыстоны фæзындысты уæлæмхасæн ахуырады бындурон муниципалон центртæ. Ис дзы æппæт хъæугæ гæнæнтæ, цæмæй уæлæмхасæн ахуырадæн æмбæлгæ уавæртæ уа, уый тыххæй. Ацы центртæ конд сты национ проекты райрæзты фæдыл. Уый тыххæй нын фехъусын кодта ахуырад æмæ наукæйы министрады пресс-службæ. Ацы уæлæмхасæн бындурон центртæ арæзт æрцыдысты федералон проекттæ «Успех каждого ребенка» æмæ «Образование» - йы фæлгæты. Ацы бындурон центр стыр ахъаз у иннæ муниципалон уæлæмхасæн ахуырадон хайæдтæн. Уыимæ ма ацы центрты сæйраг нысан у, цæмæй хъомылгæнинæгтæ паддзахадон æххуысы фæрцы райсой уæлæмхасæн ахуырад. Уый та ахъаз у сывæллæтты райрæзтæн. Тагъд рæстæджы ма бындурон центртæ кусдзысты æндæр фарстатыл дæр. Уыимæ алы бундурон муниципалон центр дæр хъуамæ тагъд ифтонггонд æрцæуа сæрмагонд кусæнгæрзтæй. Уыдоны фæрцы уæлæмхасæн ахуырады сертификаттæ æнцондæрæй райсæн уыдзæн. Цæгат Ирыстоны ахæм уæлæмхасæн ахуырады персонификацион системæ райдыдта кусын ацы аз. Бæлвырддæр кæй фæнды базонын, уымæн та йæ бон у бацæуын уæлæмхасæн ахуырадон финансты персонификацион порталмæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv