Хъомыладон райрæзтæн стыр пайда чи ’рхаста, уыцы скъоладзаутæн радтой сертификаттæ

Абон 26 скъолайы, афæдзы дæргъы хъомыладон райрæзтæн стыр пайда чи ’рхаста, уыцы скъоладзаутæн кадджын уавæры радтой сертификаттæ æмæ кады гæххæттытæ. Лæвæрд сын æрцыдысты «Подготовка педагогических кадров» проекты фæлгæты. Уый фидаргонд æрцыд нæ республикæйы сæргълæууæг Битарты Вячеславы хъæппæрисæй. Проект йæ тыхы бацыд ацы азы райдиан. Йæ нысан у - фидæны ног педагогон кусджытæ бацæттæ кæнын. Æмæ ма уыимæ хъомылгæнинæгтæн сæ цымыдисаг куысты сусæгдзинæдтæ раргом кæнын. Уый тыххæй нын фехъусын кодта Цæгат Ирыстоны ахуырад æмæ наукæйы министарды сæйраг уынаффæгæнæг Гагиты Аланæ. Хъомыладон куыст кæнын Уæрæсейы райдыдтой 1922 азы. Специалистты хъуыдымæ гæсгæ, уый у ахсджиаг æмæ вазыгджын куыст. Скъоладзаутæ йæм хъуамæ хорз цæттæ уой. Кæд нæ республикæйы æрæджы фæзынд ацы проект, уæддæр ныры онг нæ горæты скъолаты разамынды къухты бирæ ’нтыстдзинæдтæ бафтыд. Зæгъæм, 2018 азы бацæттæ кодтой 14 бындурон скъолайы. Цыбыр рæстæджы фæстæ фæзындысты 384 хъомылгæнæджы. Уыдон 8 - æм æмæ 10 -æм кълæсты онг. Фæстæдæр хъомылгæнджытæ райдыдтой сæ фæлтæрддзинад уæлдæр кæнын. Архайдтой нæ республикæйы министрад цы тренингтæ æмæ семинартæ бацæттæ кодта, уыдоны. Ныртæккæ скъолаты ахуырдзаутæ цæттæ сты хъомыладон куысты райрæзтыл бæстонæй бацархайынмæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv