Уæрæсейы Гварди сфидар кодта Хъахъхъæныны хи куыстуаты кусджыты ног ахуырадон программæ

Уæрæсейы Гварди сфидар кодта Хъахъхъæныны хи куыстуаты кусджыты ног ахуырадон программæ. Ахæм хъæппæрис бахастой проекты хуызы. Сæрмагонд гæххæт ссарæн ис барадон проектты официалон порталы. Ног программæйы фæрцы ахуырадон процесс цæудзæн куыд практикæйы, афтæ теорийы хуызы дæр. Йæ фæлгæты хи куыстуаты хъахъхъæнджытæ ахуыр кæндзысты барадон, тактикон-сæрмагонд, физикон æмæ психилогон цæттæдзинады сусæгдзинæдтæ. Уыимæ ма, уæлдай æргом аздахдзысты медицинон тагъд æххуысс бакæнынмæ. Ног хъæппæрисмæ гæсгæ, фæнд кæнынц æнæ закъонæй цы хи куыстуæттæ архайынц, уыдоны карздæр æфхæрын. Ахуырады æмгъуыд та бæлвырд кæндзысты фæлтæрддзинадмæ гæсгæ. Сахуыр сæ кæндзысты дæсныйады нысангонд стандарттимæ дæр.Сæхи социалон æмæ барадон æгъдауæй куыд хъахъæнын хъæуы, уый. Рæстæгæй рæстæгмæ сын араздзысты фæлтæрддзинады иртæстытæ дæр. Уæрæсейы Гвардийы куыд фæнысан кодтой, афтæмæй ног домæнтæ нырма уал æххæстгонд сты Мидхъуыддæгты министрады уынаффæмæ гæсгæ. Хъахъхъæныны хи куыстуаттæ Уæрæсейы Гвардийы бæрны куы бакодтой, уæд программæмæ ног цæстангæсæй æркæсын æнæмæнг хъæугæ хъуыддаг сси. . Ногдзинæдтæй ма иу - ахуырадон сахæттæ кæй фæкъаддæр уыдзысты, уый. Ныртæккæ 6-æм раздряды кусджыты ахуыр кæныны æмгъуыд у 226 сахаты. 5-æм разряды - 174 сахаты. Ивддзинæдтæм гæсгæ та 80 æмæ 60 сахаты. Эксперттæ дæр уый фарс рахæцыдысты. Бафтаудзыстæм ма уый æмæ ныртæккæ Уæрæсейы регистрацигонд сты 23 мин Хъахъхъæныны хи куыстуаты, иумæйагæй 500 мин кусæджы нымæцимæ. Ифтонг сты 80 мин хæцæнгарзæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv