Цæгат Ирыстоны хæхты апарахат кæндзысты дыргъты куыст

Цæгат Ирыстоны хæхты апарахат кæндзысты дыргъты куыст. Республикæйы 25 хæххон хъæуы ацы куыст кæнынæн æппæт фадæттæ дæр ис. Уый тыххæй дзырдтой проектон офисы æмбырды. Разамынд ын лæвæрдта республикæйы сæргълæууæг Битарты Вячеслав. Регионы разамонæг бахаста хъæппæрис эксперементы хуызы агрономон быдыр саразын. Уый тыххæй Даргъавсы комы рахицæн кæндзысты зæххы хай. Битарты Вячеслав куыд бафиппайдта, афтæмæй республикæйы зæхх фаг кæй нæй, уый тыххæй пайда кæнын хъæуы хæххон зыххытæй дæр. Ахсджиаг у, дыргъдарынады райрæзтыл архайгæйæ, сæрмагонд техникæйæ пайда кæнæн кæм ис, ахæм зæххытæ снысан кæнын. Республикæйы сæргълæууæг ма йе `ргом аздæхта дыргъгуыстгæнджытæн субсидиты бæрц фæфылдæр кæнынмæ. Ныртæккæ уый у ног дыргъдоны 220 мин сомы иу гектарæн. Уый фаг нæу. Æмбырды архайджытæ ма дзырдтой, цæмæй Уæрæсейы раззагдæр регионты фæлтæрддзинадæй спайда кæнæм. Ома, дыргъы куыст чи кæны, уыдонæн талатæ лæвар дæттын. Уымæй уæлдай ма сæрмагонд бадзырмæ гæсгæ сæм тыллæг ауæй кæнынмæ дæр фæкæсын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv