Æппæтуæрæсеон адæмон фронты регионалон хайады уæнгтæ бабæрæг кодтой Æрыдоны скъола

Рухсздахæн нысæнттæ ахсджиаг кæй сты, уый дызæрдыггаг æппындæр нæу. Ахæм хъуыдыйыл хæст сты Æппæтуæрæсеон адæмон фронты регионалон хайады уæнгтæ дæр. Абон абалц кодтой Æрыдонмæ. 4-æм скъолайы сарæзтой дæсныйад æвдисæн ахуыртæ. Сывæллæттæ дзы разыйæ баззадысты. Бæлвырддæр информаци бызыдта ме ’мкусæг Пелиты Сабинæ. Дæттæм ын ныхасы бар. Æрыдоны 4-æм скъолайы райдиан кълæсты ахуырдзаутæн сæ бон рауад уæлдай цымыдисаг. Уазæгуаты сæм æрцыдысты Æппæтуæрæсеон адæмон фронты регионалон хайады æрыгон минæвæрттæ. Сæ балцы сæйраг нысан – сывæллæттимæ Фæндаггон змæлды æдасдзинадыл æрдзурын. Сывæллæттæ сæхи къухæй сарæзтой рухсæздахæн нысæнттæ. Уый тыххæй сын радтой хъæугæ æрмæг. Скъоладзаутæм лæмбынæг кастысты æмæ æххуыс кодтой бархионтæ. Нысæнттæ рауадысты алыхуызон. Сывæллæттæ сæ скодтой алыхуызон формæты хуызы. Сывæллæттæ зæрдæргъæвдæй бацархайдтой ацы хъуыддаджы. Джиоты Султан рухсздахæн нысан уайтагъд срæвдз кодта. Дарддæр дзы куыд спайда кæндзæн, уый дæр ныридæгæн зоны. Скъоладзауты акцийы фæлгæты схорзæджын кодтой зæрдылдарæн лæвæрттæй. Уый фæстæ сæ ног рухсæздахæн нысæнттимæ ратагъд кодтой уынгмæ. Уым иумæ фæндаджы сæрты ахызтысты. Ахæм хуызы сæ фæндыд шофыртæн бамбарын кæнын, фæндаггон змæлды сывæллоны æдасдзинадæй сæйрагдæр кæй ницы ис. Мадзал аразджыты ныхæстæм гæсгæ, пайдайаг уыдзæн, ацы хъуыддагыл ныййарджытæ сæ сывæллæттимæ хæдзæры куы дзурой, уæр. Æрыдоны районы паддзахадон автоинспекцийы фæндаггон змæлды æдасдзинады хайады инспектор Тауаситы Евгения: «Фистæгæйцæуджытæ æмæ шофыртæ хъуамæ фæндаджы сæрты ахизыны размæ къæрцхъусдæр уой. Ныййарджытæ сæ сывæллæтты къухыл хæцой. Фæндæгтæм ввахс хи куыд дарын хъæуы уыцы уагæвæрдтæ хъуамæ зона алчидæр. Фæндаджы уæлхъус чырæ телефонтæй пайда кæнын æдас нæу, æнахъом сывæллæттæм та хъæуы уæлдай цæстдард. Талынг рæстæг та абон скъоладзаутæ цы нысæнттæ сарæзтой, уыйдон хорзырдæ фæбæрæг уыдзысты». Æрыдоны 4-æм скъола фæндагмæ хæстæг лæууы. Сывæллæтты æдасдзинады тыххæй дзы паддзахадон автоинспекцийы кусджытæ сæвæрдтой скъоладзауты макеттæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv