Цыколайы фæцæттæ кæны нырыккон физкультурон-дзæбæхгæнæн комплекс

Цыколайы фæцæттæ кæны нырыккон физкультурон-дзæбæхгæнæн комплекс. Хъуамæ кæронмæ срæвдз уа ацы аз сентябрмæ. Кусджытæ дзы ногæй сæвæрдтой хæтæлтæ, рудзгуытæ, дуæрттæ. Уæдæ бæстыхайы фидаргæнæн цæджындзтæ дæр сты цæттæ. Ныртæккæ ма дзы баззад кæртмæ базилын æмæ мидæггаг аивгæнæн куыстытæ скæнын. Бæстыхай уыдзæн дыууæуæладзыгон. Йæ фæзуат та - 5 мин квадратон метры. Мидæгæй дзы уыдзæн хъæзтыты æмæ тренажерты, спортивон гимнастикæ, аэробикæ, стæй хъæбысхæсты алы хуызты залтæ. Тренертæ дæр дзы уыдзæн хибар уæттæ. Уæдæ уæлæдарæс раивынæн æмæ хи найæн бынæттæ цух дæр нæ уыдзæн комплекс. Бæстыхай сарæзтой программæ «Хъæуты территориты райрæзт»-мæ гæсгæ. Хъыгдæрд æнæниздзинадимæ адæмæн дæр дзы ис æмбæлгæ уавæртæ.