Октябрьскæйы скъолайы бындурон цалцæг фæуыдзæн æмгъуыдмæ гæсгæ. Августы кæронмæ бæстыхай уыдзæн ног ахуыры азмæ цæттæ. Афтæ зæгъынц нæ республикæйы ахуырад æмæ наукæйы министрады. Уым æппынæдзух цалцæджы куыстытæ куыд цæуынц, уымæ цæст дарынц. Бæстыхай куы сарæзтой, уæдæй нырмæ йæ фыццаг хатт ног кæнынц. Инженерон хызтæ иууылдæр уыдысты ивинаг. Хæрæндон дæр уыд аразинаг. Дзæуджыхъæуы микрорайон Карцайы 37-æм скъолайы дæр куыстытæ арæзт цæуынц æмгъуыдмæ гæсгæ. Кæд объект стыр у, уæддæр профилон министрады куыд хъусын кæнынц, афтæмæй дзы цалцæджы куыстытæ афойнадыл конд хъуамæ æрцæуой.