Мæ хæдзар мæ фидар у?

Фæлæ уал на программæ райдайдзыстæм æнæнхъæлæджы цауæй. Цалдæр сахаты размæ Цæгат Ирыстоны æнæнхъæлæджы уавæрты министрадмæ фехъусын кодтой, Дзæуджыхъæуы Æрыдойнаг æмæ Къостайы проспекты тигъыл хæдзæрттæй иуы къул кæй афаз, уый тыххæй. Бирæуæладзыгон хæдзармæ атындзыдта министрады ирвæзынгæнджыты къорд. Уæхæдæг æй кадрты уынут фатертæй иуы сæрмæ къул кæй афаз, уый. Адæмы ныхæстæм гæсгæ къулы скъуыд цæуы дарддæр. Цæрджытæ тæрсынц хæдзар куы ныккæла, уымæй. Ацы фарстайы фæдыл æнæнхъæлæджы уавæрты министрады специалисттæ зæгъынц: «Цы къул афаз уый бæстыхайыл нæ фæзындзæн. Цæрджыты цард æмæ æнæниздзинадæн тæссаг нæу æмæ сæ æдас ранмæ нæ ласдзысты». Ныртæккæ бирæуæладзыгон хæдзары уавæр бæрæг кæнынц специалисттæ æмæ Дзæуджыхъæуы администрацийы кусджытæ. Бæлвырд кæнынц аххоссæгтæ. Горæты администрацийæ куыд хъусын кæнынц, афтæмæй арæзтадон организаци хæстæгдæр бонты сног кæндзæн хæдзары къул æмæ аиуварс кæндзæн æппæт фæстиуджытæ. Фæлæ æппæт специалистты иумæйаг хъуыды у - хæдзары цæрджытæн тæссаг кæй нæу, уый. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv