Фæндаггон æдасдзинады тыххæй ныхас кодтой Дзæуджыхъæуы администрацийы

Фæндаггон æдасдзинады тыххæй ныхас кодтой ведомствоты`хсæн къамисы æмбырды. Разамынд ын лæвæрдта Дзæуджыхъæуы администрацийы сæргълæууæг Фæрниаты Тамерлан. Фæндаггон фыдбылызтæ ма руадзын æмæ сын сæ нымæц фæкъаддæр кæныны тыххæй цы мадзæлттæ саразын хъæуы, ууыл æрдзырдтой. Снысан кодтой фыдбылызтæ æрцæуынæй æппæты тæссагдæр бынæттæ. Администрацийы дарддæр кусынц фæндаггон нысæнттæ ифтонг кæныныл. Сæ кæцыдæр хай арæзт сты термопластик кæй хонынц, уымæй. Æмбырды æрдзырдтой горæты уынгты æмæ æхсæнадон транспорты рекламæ фылдæр кæй кæны, ууыл. Афтæмæй, хæдтулгæтæй пайдакæнгæйæ рекламæ кæнын, федералон закъонмæ гæсгæ, нæй - нымад у закъонхæлдыл. Хæстæгдæр рæстæг, ахæм цаутæ рабæрæг кæндзысты æмæ сæ азымджынты бафхæрдзысты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv