Дзæуджыхъæуы дарддæр цæуынц Сабырдзинады проспекты рацарæзты куыстытæ

Дзæуджыхъæуы дарддæр цæуынц Сабырдзинады проспекты рацарæзты куыстытæ. Бабæрæг сæ кодта Дзæуджыхъæуы администрацийы сæргълæууæг Фæрниаты Тамерлан. Трамвайы рельсытæй уæлдай, бæстонæй базилдзысты Сабырдзинады проспект æмæ Сæрибардзинады фæзмæ. Объекты кусынц 30 адæймаджы. Специалисттæ зæронд уæлцъары бынаты сæвæрдзысты ног къæйдур. Фæрниаты Тамерлан бынаты аныхас кодта кусæг къордимæ, проекты авторимæ æмæ подрядон организацийы кусджытимæ. Куыд фæнысан кодта, афтæмæй объекты куыстытæ афойнадыл хъæуы фæуын. Цалцæггæнæн куыстытæ аразынц 9 мин квадратон метрыл. Фæзындзæн дзы ног фонтан дæр. Сæрибардзинады фæзæй - Горькийы уынджы онг, 10 мин квадратон метрыл, байтаудзысты ног къæйдур. Куыстытæ фæуыдзысты 1-æм маймæ. Проспекты рахизфарс та йæ хуыз скалдзæн майы бæрæгбæтты фæстæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv