Гуырдзыстоны уæрæсейаг туристты бæрц фæкъаддæр уыдзæн 60-70 проценты

Уæрæсейы туризмы цæдисы сæргълæууæг Дыгъуызты Зæринæйы развæлгъауы бæрæггæнæнтæм гæсгæ, нæ бæстæйæ Гуырдзыстонмæ цæуæг туристты бæрц фæкъаддæр уыдзæн 60-70 проценты. Йæ аххосаг баст у, Тбилисы цы змæстытæ æрцыдис, уыдонимæ. 8-æм июлæй фæстæмæ Уæрæсейы Президент Путины бардзырдмæ гæсгæ, нæ бæстæйы авиакомпаниты хæдтæхджытæ сæхгæной сæ рейсытæ Гуырдзыстонмæ. Амынд бонæй фæстæдæрмæ чи райста билеттæ, уыдонæн сæ аргъ фæстæмæ ратдзысты. Искæй сæ раздæр ратæхын куы бафæнда, уæд уымæн дæр фадæттæ ссарынæй зæрдæ `вæрынц. Ис ма сын æндæр мадзал дæр. Адæмæн сæ бон у Армени кæнæ та Дзæуджыхъæумæ хæдтулгæйыл æрбацæуын, æмæ сæ уырдыгæй авиакомпанитæ æнæ уæлдай хæрдзтæй хъуамæ аласой. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv