Сталинграды тохы кадæн

Абон Сабырдзинады проспектыл ацыд акци «Случайный вальс», зæгъгæ, номимæ. Арæзт æрцыд Сталинграды уæлахизы 75 азы кадæн. Акци у æппæтуæрæсеон. Нæ республикæйы йæ сарæзтой адæмон фронты фæсивæдон хайад. Баххуыс сын кодтой хæххон аграрон университеты студенттæ æмæ Уæрæсейаг скъоладзауты змæлд. Фæсивæд проспекты дыууæ раны - Ленины номыл фæзыл æмæ сæйраг парчы - сарæзтой музыкалон флешмобтæ. Байхъуыстой зындгонд композитор Марк Фрадкины фыст мелодимæ æмæ акафыдысты вальс. Кафты 'руаджы хæстон цаутæ 'рхъуыды кæнынмæ хуыдтой цæрджыты дæр. Ацы хæстон зарæг равзæрстой уымæн, æмæ йемæ баст у цымыдисаг цау. Фрадкинæн æй ныффысын кодта афицер, хæстон тæхæг Василий Васильев. Йæ зæрдæ дардта, цы чызгимæ базонгæ хæсты рæстæг, уый йæ кæй фехъусдзæн æмæ йæ кæй ссардзæн. Мадзалы сæйраг хæс уыд сывæллæттæн æмæ фæсивæдæн Сталинграды цы тугкалæн хæст цыд, уый сæ зæрдыл æрлæууын кæнын æмæ Фыдыбæстæмæ уарзондзинад фидар кæнын. Бæрæгбонмæ 'рбацыдысты нæ республикæйы ветеранты Советы уæнгтæ дæр. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv