Хицауады хæдзары дзырдтой зынгсирвæзтытæ æмæ донивылдтыты ныхмæ цæттæдзинады мадзæлттыл

Дзæуджыхъæуы æрдзырдтой зынгсирвæзтытӕ æмæ донивылдтыты ныхмæ цæттæдзинады мадзæлттыл. Æмбырд ацыд Цæгат Ирыстоны хицауады хæдзары. Фарон ирвæзынгæнджытæ сарæзтой 12 нысангонд æмæ 3 æнæнхъæлæджы басгæрсты. Æркастысты, æдасдзинады домæнтæ куыд æххæстгонд цæуынц, уымæ.  Дзуапдæттæг министрады регионалон управленийы разамонæг Александр Хоружий куыд радзырдта, афтæмæй æрвылаз оперативон къордтæ рабæрæг кæнынц бирæ аиппытæ. Донивылдтыты ныхмæ мадзæлттæн ис фаг фæрæзтæ. Æдæппæтæй 3 мин æмæ 500 адæймагæй фылдæр æмæ сæрмагонд техникæйы 644 иуæджы. Æмткæй райсгæйæ, донивылдтытæм специалисттæ сты цæттæ. Ахсджиаг у гидротехникон арæзтæдты уавæр. Хæстæгдæр рæстæг сæ сæрмагонд къамис сбæрæг кæндзæн. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv